Ita mərday, xu per-a bəna ita balka durun. An ə per, xəyli pir bu o nətanəsti kar bakune, hatta nətanəsti harkət bukune. Mərday, Balaka-ya bana xu duše sər o xu kujidane pəsər-e məra rah dakaft jəngəl ə saman. Bušoyid o bušoyid ta ita pilə dar-a farəseyid. Mərday dar-a bə jor bušo o balka-ya ita dəraz ə xal ə sər vargad, Vəxti ki dar-a bə zir amon dəbu. Pir ə marday, xandə bukud o buguft : “zay jan! dani dunya dar ə mukafat`e, mən ham ita ruz mi per-a, balka durun bənam o ha jəngəl ə durun ha dar ə xal ə sər vargadam 

Mərday xəyli narahat bubost, amma cun, də jə an ə dəst vazədə bamo bu, je dar ə sər bə zir bamo, xu pəsər ə dəst-a bigift o rah dəkəftid xane taraf

Kuji Pəsəray, rah ə durun, je xu per bəxaste ki an ə re ita balka bihine. Mərday, vavərse : “ci re”? Kuji Pəsəray buguft : an ə vasti ki vəxti mən pilla bostam o tu xəyli pira bosti o də nətanəsti harkət bukuni, Təra bavərəm ayə vargənm

Mərday fikra šo. ane dile band ursoft. Ajələ məra, vəgərdəst jəngəl. xu per-a jə dar bə zir bavərd o bušoyid xanə o sə nəfəri, kəsan ə məra zəndəgi bukudid

 

bote kəs: ...Zare . 60 salə , Makari . Kilišumə atraf . jam kudan kas : M.P.Jaktaji

Vagardon farsi ji :Durək

C = ch * š = sh * ž = zh * x = kh * u = oo